1ܦܵܘܠܘܿܣ؛ ܘܣܸܠܘܵܢܘܿܣ؛ ܘܛܝܼܡܵܬܹܐܘܿܣ؛ ܠܥܹܕܬܵܐ ܕܬܹܣܵܠܘܿܢܝܼܩܵܝܹ̈ܐ ܕܒܐܲܠܵܗܵܐ ܒܵܒܲܢ ܘܡܵܪܲܢ ܝܼܫܘܿܥ ܡܫܝܼܚܵܐ؛ 2ܫܵܦܵܩܲܬ ܥܲܡܵܘܟܼܘܿܢ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ. 3ܕܵܝܢܵܢܹ̈ܐ ܝܘܵܚ ܠܫܵܟܘܿܪܹܐ ܠܐܲܠܵܗܵܐ ܒܟܠ ܙܲܒܼܢܵܐ ܣܵܒܵܒ ܕܝܼܵܘܟܼܘܿܢ؛ ܐܵܚܘܿܢܘܵܬܝܼ̈؛ ܕܵܐܟܼܝܼ ܕܝܼܠܵܗ̇ ܚܫܝܼܚܬܵܐ؛ ܕܒܘܼܫ ܙܵܘܕܵܐ ܓܲܪܘܘܼܣܹܐ ܝَܠܵܗ̇ ܗܲܝܡܵܢܘܼܬܵܘܟܼܘܿܢ؛ ܘܒܸܙܝܵܕܵܐ ܝܠܹܗ ܚܘܼܒܵܐ ܕܟܠܵܘܟܼܘܿܢ؛ ܕܟܠ ܐ݇ܢܵܫܵܐ ܠܟܸܣ ܚܲܒܼܪܹܗ؛ 4ܕܵܐܟܼܝܼ ܕܐܘܼܦ ܐܲܚܢܲܢ ܒܝܼܵܘܟܼܘܿܢ ܒܸܚܩܵܪܵܐ ܝܘܵܚ ܓܵܘ ܥܹܕܬܹ̈ܐ ܕܐܲܠܵܗܵܐ؛ ܣܵܒܵܒ ܕܗܲܝܡܵܢܘܼܬܵܘܟܼܘܿܢ ܘܚܡܵܠܬܵܘܟܼܘܿܢ ܒܟܠܵܝܗܝ ܛܪ̈ܵܕܝܵܬܵܘܟܼܘܿܢ ܘܐܘܼܠܨܵܢܵܘ̈ܟܼܘܿܢ ܕܒܸܚܡܵܠܵܐ ܝܬܘܿܢ؛ 5ܕܝܼܠܵܗ̇ ܡܲܕܵܥܝܬܵܐ ܕܕܝܼܘܵܢ ܗܲܩ ܕܐܲܠܵܗܵܐ؛ ܕܚܵܫܚܝܼܬܘܿܢ ܠܡܲܠܟܘܼܬܹܗ ܕܐܲܠܵܗܵܐ؛ ܗ̇ܝ ܕܣܵܒܵܒ ܕܝܼܵܗ̇ ܩܵܒܘܿܠܹܐ ܝܬܘܿܢ ܚܲܫܵܐ؛ 6ܐܸܢ ܗܲܩ ܝܼܠܵܗ̇ ܩܵܕ݇ܡ ܐܲܠܵܗܵܐ ܕܦܲܪܸܥ ܐܘܼܠܨܵܢܵܐ ܠܐܵܢܝܼ ܕܡܲܠܝܸܨܝܼ ܠܵܘܟܼܘܿܢ؛ 7ܘܐܸܠܵܘܟܼܘܿܢ ܕܦܝܵܫܵܐ ܝܬܘܿܢ ܡܘܼܠܝܸܨܹܐ؛ ܢܝܵܚܬܵܐ ܥܲܡܲܢ؛ ܒܓܸܠܝܵܢܹܗ ܕܡܵܪܲܢ ܝܼܫܘܿܥ ܕܡ̣ܢ ܫܡܲܝܵܐ؛ ܥܲܡ ܡܲܠܲܐܟܼܹ̈ܐ ܕܚܲܝܠܹܗ ܒܠܵܗܵܐ ܕܢܘܼܪܵܐ؛ 8ܐܝܼܡܲܢ ܕܫܵܩܸܠ ܬܘܼܥܠܵܐ ܡ̣ܢ ܕܐܵܢܝܼ ܕܠܵܐ ܝܕܸܥܠܘܿܢ ܠܐܲܠܵܗܵܐ؛ ܘܡ̣ܢ ܕܐܵܢܝܼ ܕܠܵܐ ܡܘܼܨܝܸܬܠܘܿܢ ܠܡܲܫܚܲܕܬܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ 9ܐܵܢܝܼ ܕܒܕܝܼܘܵܢ ܒܸܬ ܦܵܝܫܝܼ ܦܸܪܥܝܹܐ ܬܠܵܩܵܐ ܕܠܥܵܠܲܡ ܡ̣ܢ ܦܵܬܹܗ ܕܡܵܪܲܢ ܘܡ̣ܢ ܚܸܩܪܵܐ ܕܚܲܝܠܹܗ؛ 10ܐܝܼܡܲܢ ܕܐܵܬܹܐ ܕܦܵܝܸܫ ܚܩܝܼܪܵܐ ܒܩܲܕܝܼܫܘܼ̈ܗܝ؛ ܘܡܲܚܙܹܐ ܥܵܓ̰ܸܒܘܼܝܵܬܹ̈ܗ ܒܟܠܵܝܗܝ ܕܗܲܡܸܢܝܼ ـ ܣܵܒܵܒ ܕܦܸܫܠܵܗ̇ ܗܘܼܡܸܢܬܵܐ ܣܵܗܕܘܼܬܲܢ ܠܟܸܣܠܵܘܟܼܘܿܢ ـ ܒܗ̇ܘ ܝܵܘܡܵܐ. 11ܐܘܼܦ ܠܐܵܗܵܐ (ܢܝܼܲܬ) ܒܟܠ ܙܲܒܼܢܵܐ ܨܵܠܘܿܝܹܐ ܝܘܵܚ ܡܒܵܕܵܠܵܘܟܼܘܿܢ؛ ܕܐܲܠܵܗܲܢ ܡܲܚܫܸܚ ܠܵܘܟܼܘܿܢ ܠܩܪܵܝܬܵܘܟܼܘܿܢ؛ ܘܡܵܠܹܐ ܠܵܘܟܼܘܿܢ ܟܠܹܗ ܪܸܙܵܝܵܐ ܕܛܵܒܼܘܼܬܵܐ؛ ܘ(ܟܠܵܝܗܝ) ܦܘܼܠܚܵܢܹ̈ܐ ܕܗܲܝܡܵܢܘܼܬܵܐ؛ ܒܚܲܝܠܵܐ؛ 12ܕܦܵܝܸܫ ܚܩܝܼܵܐ ܒܝܼܵܘܟܼܘܿܢ ܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܐܘܼܦ ܐܲܚܬܘܿܢ ܒܝܼܹܗ؛ ܐܲܝܟܼ ܫܵܦܵܩܲܬܹܗ ܕܐܲܠܵܗܲܢ ܘܡܵܪܲܢ ܝܼܫܘܿܥ ܡܫܝܼܚܵܐ.